Альфрэд Кох: Пуцін дзеля ўтрымання ўлады гатовы заплаціць любы кошт

Важна разумець, што гэта даслоўна - любы.

Пра гэта былы віцэ-прэм'ер Расеі Альфрэд Кох піша ў «Фэйсбуку».

«Чым моцны Пуцін? Тым, што ягоная свядомасць не саромеючыся ніякіх умоўнасцяў і забабонаў цывілізаванага чалавека. Ён як робат проста развязвае задачу. І ў гэтым падыходзе ёсць свой моцны бок: ён знаходзіць рашэнні там, дзе чалавек спавіты абмежаваннямі культуры і маралі іх нават шукаць не будзе.

Напрыклад яму скажуць: каб утрымаць уладу, трэба павялічыць даходы хатніх гаспадарак. ВУП падняць нельга, але можна паменшыць насельніцтва ўдвая. Гэта дасць рост ВУП на душу насельніцтва, падыме рэйтынг улады і вызваліць сродкі для ўмацавання войска і сілавікоў.

Пуцін не вытурыць такога дарадца з кабінета, не затупае нагамі і не загадае пасадзіць яго ў турму. Ён пачне думаць над піяр забеспячэннем акцыі ў знішчэнні 70 мільёнаў чалавек ці іх дэпартацыі. Ён будзе развязваць простыя і практычныя пытанні: колькі гэта будзе каштаваць? Якія выдаткі на пахаванне? Колькі трэба будзе выдаткаваць грошай на заспакаенне тых, што засталіся? Як ім растлумачыць для чаго гэта робіцца? Што яны лепш за ўсё ўспрымуць? Што танней: газ ці куля? А можа - эпідэміі? І г.д.

Калі ў гэты момант да яго хто-небудзь падыдзе і скажа: «Уладзімір Уладзіміравіч! Тут такая справа: нам усім потым гарэць у пекле давядзецца! Прычым вечна!» Ён скажа: «Канчайце ныць! Мы тут балабоніць сабраліся або справай займацца? Хопіць белетрыстыкі! Табе што, я грошай мала плачу? Скажы колькі табе трэба і ідзі працуй!»

Калі кажуць, што ён, дзеля ўтрымання ўлады, гатовы заплаціць любы кошт, то трэба разумець, што гэта даслоўна - любы. І гэта (дарэчы) павінна палохаць, перш за ўсё, яго асяроддзе. Эй, Сечын! Ты разумееш: любы кошт! Ніякіх абмежаванняў! Нічога яго не спыніць! Ігарок! Ау! Пачуй мяне!», - піша Кох.