Кадравыя перастаноўкі ва Узброеных сілах
16- 15.01.2015, 19:55
- 39,612
Лукашэнка правёў чарговыя кадравыя перастаноўкі ва Узброеных сілах.
Як паведамілі ў прэс-службе дыктатара, адпаведныя ўказы ён падпісаў 15 студзеня, паведамляе БелТА.
Кіраўнік прызначыў палкоўніка Андрэя Гурцэвіча начальнікам факультэта Генеральнага штаба - намеснікам начальніка Вайсковай акадэміі, вызваліўшы яго ад пасады камандуючага войскамі Заходняга аператыўна-тактычнага камандавання Вайскова-паветраных сіл і войскаў супрацьпаветранай абароны Узброеных Сіл Беларусі.
Таксама ён прызначыў генерал-маёра Аляксандра Вальфовіча камандуючым войскамі Паўночна-заходняга аператыўнага камандавання Узброеных Сіл, вызваліўшы яго ад пасады начальніка штаба - першага намесніка камандуючага войскамі Паўночна-заходняга аператыўнага камандавання Узброеных Сіл.
Генерал-маёр Валерый Гнілазуб прызначаны начальнікам штаба - першым намеснікам камандуючага войскамі Паўночна-заходняга аператыўнага камандавання Узброеных Сіл, ён вызвалены ад пасады начальніка 72-га гвардзейскага аб'яднанага вучэбнага цэнтра падрыхтоўкі прапаршчыкаў і малодшых спецыялістаў Узброеных Сіл.
Палкоўнік Ігар Кароль прызначаны начальнікам 72-га гвардзейскага аб'яднанага вучэбнага цэнтра падрыхтоўкі прапаршчыкаў і малодшых спецыялістаў Узброеных Сіл Беларусі.