Менскае «Дынама» ўстанавіла асабісты рэкорд у КХЛ

Хакейны клуб «Дынама Менск» набраў 84 балы ў чэмпіянаце КХЛ.

Адбылося гэта ў чацвер вечарам пасля перамогі над «Лакаматывам» - 3:0. Так бы гэты матч і застаўся ў чарадзе звычайных і нічым, акрамя чарговых перамог, непрыметных: калі б не адно «але», піша «Інтэрфакс».

Ніколі раней «зубрам» не ўдавалася набіраць больш за 83 балаў падчас рэгулярнага чэмпіянату Кантынентальнай хакейнай лізе. Перамогай над «Локо» дынамаўцы ўсталявалі клубны рэкорд, які раней быў роўны 83 балы - менавіта столькі каманда набрала па выніках «рэгуляркі» сезона 2011\2012.

Матч «Дынама Менск» - «Лакаматыў» адбыўся 15 студзеня на «Менск-Арэне». Шайбы ў гэтым сталым характэрным для каманды паядынку ў гаспадароў закінулі Чычу (17-я хвіліна, большасць), Шчэхура (23-я хвіліна) і Мацярухін (45-я хвіліна).

Характэрна, што матч «зуброў» з «чыгуначнікамі» сабраў аншлаг: за ім назіралі больш за 15 тысяч гледачоў. Паводле афіцыйных звестак, у гэты вечар на «Менск-Арэне» прысутнічалі 15086 заўзятараў.

Вяртаючыся да рэкорду, усталяванага менскім «Дынама» па колькасці балаў, набраных у рэгулярным чэмпіянаце КХЛ, адзначым, што гэтая лічба яшчэ не канчатковая - да заканчэння «рэгуляркі» камандзе яшчэ трэба будзе правесці 14 матчаў. А значыць, лічба 84 мае шмат шанцаў змяніцца іншай, яшчэ большай і больш прыемнай.

Пасля 45 матчаў «Дынама» з 84 баламі займае 5-е месца ў дывізіёне «Захад» чэмпіянату КХЛ. У таго, хто ідзе шостым «Локо» на 10 балаў менш.

Свой бліжэйшы матч ХК «Дынама-Менск» правядзе ў суботу, 17 студзеня, на «Менск-Арэне». Спаборнікам нашай каманды будзе падмаскоўны «Віцязь».