Заўтра ў Беларусі дождж і мокры снег

У Беларусі 17 студзеня чакаецца воблачнае з праясненнямі надвор'е.

Пра гэта паведамілі БелТА ў Рэспубліканскім цэнтры гідраметэаралогіі, кантролі радыеактыўнага забруджвання і маніторынгу навакольнага асяроддзя.

Месцамі пераважна ў паўночна-заходніх раёнах краіны пройдуць невялікія ападкі ў выглядзе мокрага снегу, дажджу. У асобных раёнах прагназуецца слабы туман. Ноччу і раніцай месцамі захаваецца слабы галалёд, на дарогах - галалёдзіца.

Вецер будзе паўднёвым 5-10 метраў у секунду, на ўсходзе - з парывамі да 14 метраў у секунду.

Тэмпература паветра ўначы складзе ад мінус 3 да 3 градусаў цяпла, у дзённыя гадзіны чакаецца ад 0 да 6 градусаў вышэй за нуль, на паўднёвым захадзе - да 8 са знакам плюс.