Беглы кіраўнік МУС Украіны атрымаў расейскі пашпарт
8- 16.01.2015, 17:54
- 13,524
Былы кіраўнік Міністэрства ўнутраных спраў Украіны Віталь Захарчанка атрымаў пашпарт грамадзяніна Расейскай Федэрацыі.
"У мяне грамадзянства Расеі, я атрымаў пашпарт грамадзяніна Расейскай Федэрацыі", - сказаў Захарчанка на брыфінгу ў Севастопалі ў пятніцу, 16 студзеня.
У той жа час, адказваючы на пытанне журналістаў, ён адзначыў, што не адмовіўся ад украінскага грамадзянства, піша РІА "Новости".
У канцы верасня Генпракуратура Украіны распачала крымінальную справу супраць шэрагу былых высокапастаўленых чыноўнікаў, прынамсі, Захарчанкі, паводле факта фінансавання за кошт дзяржбюджэту будаўніцтва ўжо існуючай тэлекамунікацыйнай сеткі спецыяльнай сувязі.
Раней Служба бяспекі і ГПУ распачалі супраць Захарчанкі яшчэ некалькі крымінальных спраў і абвясцілі яго ў вышук. Прынамсі, яго абвінавачваюць у масавых забойствах грамадзян на Майдане ў лютым 2014 года.
Фота: podrobnosti.ua