У менскім метро запрацавалі 24 зоны надгляду

У менскім метро запрацавалі 24 зоны надгляду пасажыраў, іх багажу і буйнагабарытнай ручной паклажы.

Пра гэта БелТА паведаміў прэс-сакратар сталічнага метрапалітэна Андрэй Кузьмін.

Зоны надгляду пасажыраў, іх багажу і буйнагабарытнай ручной паклажы адкрыліся на станцыях "Кастрычніцкая", "Купалаўская", "Плошча Перамогі", "Плошча Леніна", "Інстытут культуры", "Няміга", "Спартыўная", "Аўтазаводская", "Пралетарская ", "Уручча", "Магілёўская", "Каменная Горка", "Пушкінская", "Плошча Якуба Коласа".

У кожнай зоне ўстаноўлены арачны шматзонны металадэтэктар (рамка), рэнтгенаграфічны сканар, у выпадку неабходнасці могуць прымяняцца партатыўны газааналізатар і пераносны лакалізатар выбуху тыпу "Фантан", арганізаваная сістэма відэаназірання.

У бліжэйшы час падобныя зоны абсталююць яшчэ на чатырох станцыях: "Грушаўка", "Міхалова", "Малінаўка" і "Пятроўшчына". А да канца 2015 года плануецца завяршыць абсталяванне зон надгляду на ўсіх станцыях сталічнай падземкі.

Права выбарачнага надгляду багажу і ручной паклажы пасажыраў метрапалітэна, згодна з заканадаўствам, дадзенае супрацоўнікам упраўлення ўнутраных спраў у ахове метрапалітэна і інспектарам службы бяспекі метро. У выпадку адмовы пасажыра ад праходжання агляду інспектар мае права прапанаваць яму скарыстацца іншым відам транспарту.