Анатоль Котаў абраны генсекам НАК Беларусі
7- 16.01.2015, 20:06
- 10,964
Генеральным сакратаром Нацыянальнага алімпійскага камітэта Беларусі на пасяджэнні выканаўчага камітэта арганізацыі абраны Анатоль Котаў.
Пра гэта сайту charter97.org паведамілі ў прэс-службе НАК.
Выканкам НАК зацвердзіў Анатоля Котава на гэтую пасаду паводле статуту праз прапанову прэзідэнта НАК Беларусі Аляксандра Лукашэнкі.
"Пры выбары кандыдата на пасаду генеральнага сакратара ў аснову крытэрыяў ацэнкі ставілася неабходнасць наяўнасці ў прэтэндэнтаў такіх дзелавых і асабістых якасцей, як вопыт дзяржаўнай кіраўніцкай працы, міжнароднай дзейнасці, арганізатарскія здольнасці, свабоднае валоданне замежнымі мовамі, камунікабельнасць, - растлумачыў першы віцэ-прэзідэнт НАК Беларусі Максім Рыжанкоў. - Анатоль Котаў валодае ўсімі пералічанымі якасцямі і зарэкамендаваў сябе як дасведчаны спецыяліст на дыпламатычнай службе. у 2002 годзе ён скончыў міжнародна-прававы факультэт МДІМА МЗС Расейскай Федэрацыі. ён валодае дзвюма замежнымі мовамі, набыў рознабаковы вопыт, у тым ліку працы ў замежных установах Беларусі".
Анатоль Котаў нарадзіўся ў Менску ў 1980 годзе. Скончыў Маскоўскі дзяржаўны інстытут міжнародных адносін (Універсітэт) МЗС Расейскай Федэрацыі (2002 г.)
Працаваў сакратаром амбасады Рэспублікі Беларусь у Польшчы, галоўным дарадцам упраўлення знешняй палітыкі адміністрацыі Лукашэнкі, старэйшым дарадцам амбасады Рэспублікі Беларусь у Польшчы, вядучым спецыялістам Нацыянальнага алімпійскага камітэта Рэспублікі Беларусь.