Кіяне выйдуць на Марш салідарнасці
4- 18.01.2015, 12:48
- 10,007
У нядзелю ў Кіеве адбудзецца Марш салідарнасці.
Акцыя праводзіцца ў памяць ахвяр абстрэлу ўзброенымі сепаратыстамі аўтобуса ў Валнавасе, у выніку чаго загінулі 12 чалавек. Марш пачнецца ў 14:00 мясцовага часу, паведамляе BBC.
У групе ў сацыяльнай сетцы «Фэйсбук» 10 тысяч чалавек заявілі, што выйдуць на гэтую акцыю.
Паводле паведамленняў, перад пачаткам руху калоны да Майдану Незалежнасці палітыкі і грамадскія актывісты вымавяць прамовы, якія заклікаюць да адзінства, салідарнасці ў барацьбе з ўзброенымі сепаратыстамі, а таксама ўшануюць памяць усіх загінулых на ўсходзе Украіны.
Фота: УНІАН