Над Амурскай вобласцю заўважылі аб'ект, які свяціўся (Відэа)

Жыхары гарадоў на Далёкім Усходзе Расеі бачылі аб'ект у небе, які свяціўся.

Незвычайную з'яву, падобную на падзенне метэарыта, назіралі раніцай у нядзелю, 18 студзеня, у Амурскай вобласці. Мясцовыя жыхары заўважылі аб'ект, які падаў у небе і свяціўся, паміж 6 і 7 гадзінамі мясцовага часу (з паўночы да гадзіны ночы паводле Масквы), паведамляе Амур.инфо.

Падзенне нябеснага цела, у прыватнасці, бачылі ў сталіцы рэгіёну Благавешчанску, у размешчаным за 100 кіламетраў ад яго Белагорску, а таксама ў Шыманаўске (290 кіламетраў ад абласнога цэнтра) і ў Вуглягорску (240 кіламетраў).

Жыхары Белагорска, якія пажадалі застацца неназванымі, паведамілі, што бачылі аб'ект.. які свяціўся, у раёне адной з вайсковых частак. З іх слоў, аб'ект пакідаў за сабой вялікі яркі след белага колеру, вонкава падобны да следу ад самалёта. Відавочцы выказалі здагадку, што назіралі падзенне метэарыта.

"У 6:40 аб'ект выбухнуў, але воплеск ад выбуху стаў чутны хвілін праз восем. Воплеск быў даволі гучны. Але шкло не бразгатала, нічога такога не было. След ад выбуху быў бачны ў небе яшчэ гадзіны дзве", - распавёў адзін з відавочцаў .

Іншы сведка падзеі Канстанцін Піўкін, які назіраў падзенне аб'екта у Вуглягорску, даслаў у рэдакцыю выдання некалькі фотаздымкаў, а таксама відэа падзення нябеснага цела. Фатаграфіі і відэазапісы відавочцаў таксама з'явіліся ў сацыяльных сетках.