Дэманстрацыю ў Дрэздэне скасавалі праз пагрозу тэракту

Нямецкі антыісламскі рух PEGIDA скасаваў прызначаную на 19 студзеня ў Дрэздэне масавую дэманстрацыю.

Напярэдадні аб рыхтаваных нападах на месцы масавага збору людзей паведамілі нямецкія СМІ са спасылкай на замежныя спецслужбы.

Аб скасаванні маршу PEGIDA паведаміла ў сацсетках. ТАСС са спасылкай на інфармацыю агенцтва DPA паведамляе, што нямецкія органы бяспекі паведамілі арганізацыі аб канкрэтных пагрозах, якія паступілі ад радыкальных ісламістаў у адрас арганізатара акцыі Лутcа Бахмана.

Прадстаўнікі PEGIDA падкрэслілі, што так хутка яны не змогуць выпрацаваць канцэпцыю забеспячэння бяспекі запланаваным мерапрыемстве. "Таму мы мяркуем, што гэта безадказна ставіць пад непрадказальную рызыку нашых прыхільнікаў і горад", - гаворыцца ў заяве антыісламскага аб'яднання.

У мінулы панядзелак дэманстрацыя PEGIDA сабрала ў Дрэздэне амаль 25 тысяч чалавек.

Паводле звестак выдання Spiegel, акрамя дэманстрацый антыісламістаў, пад пагрозай у якасці патэнцыйных мэтаў знаходзяцца галоўныя чыгуначныя вакзалы Бэрліна і Дрэздэна.