На Сардзініі адкрылі выставу карцін з пяску гомельскага мастака

Шоў карцін з пяску і выстава іншых работ беларускага мастака Юрыя Пташынскага з Гомеля адкрытае ў Кальяры.

Пра гэта паведамілі ў ганаровым консульстве Беларусі на Сардзініі, пры чыёй падтрымцы арганізаванае мерапрыемства, піша БелТА.

На выставе прадстаўлены аўтарскія жывапісныя работы, а шоў пяшчаных карцін асабліва падагрэла інтарэс да творчасці маладога мастака. Стол, што свеціцца ў начы, пясок, музыка, відэатрансляцыі і перш за ўсё вялікі талент Юрыя Пташынскага - вось "інгрэдыенты" гэтага цікавага мастацкага спектакля, які натхняе і залучае публіку ў атмасферу магіі і таму заўсёды мае вялікі поспех.

Выставы прайшлі і ў іншых гарадах італійскай выспы.

Юрый Пташынскі з дзяцінства захапляўся маляваннем, у школьныя гады наведваў студыю гомельскага моладзевага цэнтра "Юнацтва". У 2012 годзе скончыў Беларускі дзяржаўны ўніверсітэт транспарту ў спецыяльнасці "архітэктар". Працы паводле спецыяльнасці Юрый палічыў за лепшае працу з дзецьмі ў сярэдняй школе №49 Гомеля. Вольны ад працы час мастак прысвячае сваім любімым заняткам: жывапісу і новаму кірунку ў выяўленчым мастацтве - пяскаграфіі. Першая выстава мастака адбылася ў траўні 2012 года ў выставачнай зале Гомельскага дзяржаўнага ўніверсітэта імя Ф. Скарыны і была прысвечаная партрэтнай графіцы. Мастацтвам малявання пяском Юрый авалодаў будучы студэнтам. Геаграфію яго выступаў з шоў пяшчаных карцін складаюць не толькі яго радзіма, але і краіны блізкага і далёкага замежжа.

Юрый адчувае моцную сувязь з Сардзініяй, куды яшчэ дзіцем прыязджаў у італійскую сям'ю на аздараўленне. І, хутчэй за ўсё, менавіта белы чысты пясок дзіўных сардзінскіх пляжаў натхніў і накіраваў руку мастака для заняткаў пяскаграфіяй.