Яцанюк: Ва Украіну ўведзеныя расейскія войскі
30- 19.01.2015, 20:14
- 87,095
Прэм'ер-міністр Украіны Арсеній Яцанюк заяўляе, што жывая сіла і тэхніка расейскага войска ўведзеныя на тэрыторыю Украіны.
Як паведамляе Интерфакс-Украина, пра гэта ён сказаў на сумеснай прэс-канферэнцыі з прэм'ер-міністрам Польшчы Евай Копач у панядзелак у Кіеве. "Толькі што я гаварыў з сакратаром СНБА. Украінская вайсковая выведка пацвярджае факт перапраўкі з Расеі ва Украіну жывой сілы і тэхнікі", - заявіў Яцанюк.
Паводле ягоных слоў, уведзеная тэхніка можа належаць толькі афіцыйнай Расеі. "Танкі, гаўбіцы, сістэмы "Град", "Смерч", "Бук". Станцыі РЭБ на базары ў Данецку не прадаюцца і ў расейскім ваенгандлі таксама. Яны ёсць толькі ў Мінабароны РФ, ГВУ ГШ", - дадаў Яцанюк.