Apple атрымаў патэнт на «разумную» ручку

Упраўленне ЗША па патэнтах і гандлёвых марках выдала Apple патэнт на камунікацыйны стылус.

Гаворка ідзе пра "разумную" электронную ручку, якая дазваляе пераводзіць у лічбавы варыянт зробленыя на паперы малюнкі і надпісы. Падобныя прылады ўжо існуюць, аднак новая распрацоўка, на задумку Apple, будзе адрознівацца ад існых прадуктаў канструкцыяй, паведамляе ZN.UA.

У прыватнасці, для адсочвання становішча ручкі ў прасторы і яе перасоўванняў прапануецца задзейнічаць некалькі высокадакладных акселерометраў. Карыстальнікі змогуць пісаць на паперы або прэзентацыйных дошках.

Актывацыя гаджэта можа ажыццяўляцца некалькімі спосабамі: праз сігнал ад інтэграваных датчыкаў, пры дакрананні да працоўнай паверхні, пры зняцці з док-станцыі і з дапамогай кнопкі ўключэння.

Інтэграваны адаптар бесправадной сувязі дазволіць перадаваць графічную інфармацыю на адну або некалькі кампутарных прылад. Акрамя таго, ручка атрымае ўбудаваную памяць для назапашвання інфармацыі з мэтай наступнай сінхранізацыі. Гэта дазволіць эканоміць зарад акумулятара.

Прылада можа быць абсталяваная рознымі наканечнікамі - для малявання чарніламі або грыфелем. Акрамя таго, могуць прысутнічаць дадатковыя датчыкі, якія пашыраюць функцыянальнасць.

Аб тэрмінах практычнай рэалізацыі запатэнтаванай распрацоўкі нічога не паведамляецца.