За 11 месяцаў на пагашэнне замежнай запазычанасці выдаткавана $4,2 мільярда

Дзяржаўная запазычанасць Рэспублікі Беларусь на 1 снежня 2014 складала 184,4 трлн рублёў.

Яна павялічылася ў параўнанні з пачаткам 2014 на 30,4 трлн рублёў, або на 19,7%. У лістападзе дзяржаўная запазычанасць вырасла на 2,3 трлн рублёў, або 1,3%. Пра гэта паведамляе Міністэрства фінансаў, піша АФН.

Замежная дзяржаўная запазычанасць паводле стану на 1 снежня 2014 склала 12,8 млрд даляраў ЗША, павялічыўшыся з пачатку года на 352,7 даляраў ЗША, або на 2,8% (з улікам курсавой розніцы). У лістападзе замежная дзяржаўная запазычанасць скарацілася на 0,130 млн даляраў ЗША.

У студзені-лістападзе 2014 прыцягнутыя замежныя дзяржаўныя пазыкі на суму 4937,5 млн даляраў ЗША, у тым ліку на 99,6 млн даляраў ЗША ў лістападзе.

У прыватнасці, з пачатку года прыцягнута 4 489,8 млн даляраў ЗША па крэдытах урада і банкаў РФ (у тым ліку 34,5 млн даляраў ЗША ў лістападзе); 402,5 млн даляраў ЗША - банкаў КНР (65 млн даляраў ЗША ў лістападзе); 44,9 млн даляраў ЗША - МБРР; 0,3 млн даляраў ЗША - ЕБРР.

Пагашэнне замежнай дзяржаўнай запазычанасці з пачатку 2014 склала 4230,6 млн даляраў ЗША, у тым ліку 59,7 млнь даляраў у лістападзе.

За студзень-лістапад Беларусь пагасіла 2702,5 млн даляраў ЗША па крэдытах урада і банкаў РФ (37,5 млн даляраў ЗША ў лістападзе), 1104,7 млн даляраў ЗША - МВФ; 176,6 млн даляраў ЗША - АКФ ЕўрАзЭС; 177,3 млн даляраў ЗША - банкаў КНР (18 млн даляраў ЗША ў лістападзе); 52,5 млн даляраў ЗША - банка Венесуэлы; 14,1 млн даляраў ЗША - МБРР (2,1 млн даляраў ЗША ў лістападзе); 2,7 млн даляраў ЗША - ЗША (2 млн даляраў ЗША ў лістападзе); 0,2 млн даляраў ЗША - банкаў Нямеччыны (0,1 млн даляраў ЗША ў лістападзе).

Унутраная дзяржаўная запазычанасць на 1 снежня 2014 склала 46,1 трлн рублёў, павялічыўшыся з пачатку года на 10,4 трлн рублёў, або на 29,2% (з улікам курсавых розніц). У лістападзе ўнутраная дзяржаўная запазычанасць вырасла на 2,4 трлн рублёў.

За студзень-лістапад 2014 размешчана ўнутраных дзяржаўных аблігацый для фізічных асоб на суму 35,5 млн даляраў ЗША і для юрыдычных асоб на суму, эквівалентную 671,3 млн даляраў ЗША (208,4 млн даляраў ЗША ў лістападзе) і 2241,5 млрд рублёў. З пачатку 2014 кампенсавана дзяржаўных аблігацый для фізічных і юрыдычных асоб на суму 149,7 млн даляраў ЗША і 260,3 млрд рублёў (20 млрд рублёў у кастрычніку).