«Коньяспор» зняпраўдзіў інфармацыю аб сыходзе Аляксандра Глеба

Прэс-аташэ «Коньяспора» Ахмет Байдара зняпраўдзіў інфармацыю аб тым, што беларускі гулец турэцкага клуба Аляксандр Глеб пакіне каманду.

Пра гэта піша «Прессбол» са спасылкай на sporx.com.

«Глеб нікуды не сыходзіць. Усе паведамленні пра гэта ў СМІ - неабгрунтаваныя і не праўдзівыя. Пішуць пра ягоны пераход у іншую каманду, але гэта няпраўда. Пытанне сыходзе Глеба з каманды не ўздымалася», - заявіў ён.

Аляксандр Глеб у гэтым сезоне насіў павязку капітана каманды і не трапіў у заяўку на два матчы запар: сустрэчу чэмпіянату Турцыі з «Бэшыкташам» (1:2) і паядынак з «Джызрэспарам» (0:2) у рамках Кубка Турцыі. Мясцовая прэса паведамляла пра канфлікт, які разгарнуўся паміж беларускім ветэранам і новым галоўным трэнерам каманды Айкутам Каджаманам.

Настаўнік «Коньяспора» адзначыў, што ў клуба ёсць некалькі прапаноў з нагоды Аляксандра Глеба.