Чыкагскія бунтары Rise Against упершыню прыедуць у Беларусь

Пачуць ужывую новыя рок-маніфесты і правераныя часам хіты можна будзе летам.

Адным з самых шанаваных панк-рок гуртоў у свеце Rise Against зноў ёсць, што сказаць свету. Вострыя на язык музыкі, вядомыя сваімі агрэсіўна-пазітыўнымі песнямі, выпусцілі новы альбом «The Black Market» і гатовыя прэзентаваць яго еўрапейскай публіцы ў сярэдзіне наступнага года. У рамках турнэ вечныя пратэстоўцы Rise Against наведаюць і беларускую сталіцу. Гэта будзе першы выступ Rise Against у Беларусі, паведамляе «Комсомольская правда в Беларуси».

Доўгачаканы альбом «The Black Market» атрымаўся цалкам у духу бунтароў Rise Against. Як прызналіся самі музыкі, пласцінка атрымалася вельмі асабістай і больш удумлівай. У аснову песень легла сутнасць саміх шукальнікаў праўды Rise Against: кім яны з'яўляюцца як гурт, што робяць і што з гэтага атрымліваецца. Пад гукавы націск гітар і барабанаў панк-рокеры разважаюць аб цане сваёй лірыкі і пра тое, што яна можа значыць для людзей.

- У гэтым альбоме шмат моцных эмоцый, якія бяруць за жывое, і якія складана ігнараваць, - кажа спявак і гітарыст Rise Against Цім Макілрот. - Калі я ствараў гэты запіс, я быў у смутку і журбе. Як пісьменнік, я заўсёды адчуваў нейкую адказнасць не толькі прызнаць змрочнасць чалавечага існавання, але і дапамагчы людзям знайсці выхад. Вось у чым уся ідэя «The Black Market»: мы гандлюем гэтымі эмоцыямі, мы жывем у іх, быць можа, гэта цёмнае месца, але ў цэлым гэта шлях, які дазваляе чалавеку перамагчы ягоную боль.

«The Black Market» дэбютаваў на трэцім радку ў амерыканскім чарце Billboard 200. Толькі за першы тыдзень пасля рэлізу было прададзена 53.000 копій альбома. Пачуць ужывую новыя рок-маніфесты і правераныя часам пратэстныя хіты Rise Against можна будзе 1 ліпеня ў Палацы спорту.

За 15 гадоў існавання гурт выпусціў 7 студыйных альбомаў, два рэдкія міні-альбомы і два DVD. Іх пласцінка «Endgame» (2011) дэбютавала пад нумарам адзін у Нямеччыне і Канадзе і стала другой у амерыканскім чарце Billboard 200. Многія песні Rise Against былі выкананыя ў розных тэлешоу, спартыўных перадачах, відэа і камп’ютарных гульнях

Rise Against супрацоўнічалі з такімі вядомымі музыкамі, як My Chemical Romance, Linkin Park, Billy Talent, Alkaline Trio, Rancid, Foo Fighters, Face to Face, Bring Me the Horizon і іншымі. А 5 чэрвеня 2010 года на фестывалі Rock am Ring чыкагскім панк-рокерам атрымалася ўстанавіць рэкорд у наведвальнасці: каля 196,000 людзей глядзела іх выступ, знаходзячыся на тэрыторыі Цэпелінавага поля. Rise Against не губляюць хватку і да гэтага часу застаюцца адным з самых паспяховых і паважаных панк-рок гуртоў у свеце.

***

Rise Against - амерыканскі панк-рок гурт, заснаваны ў снежні 1999 года ў Чыкага. Поспех прыйшоў да музыкаў пасля выхаду альбомаў «Siren Song of the Counter Culture» (2004) і «The Sufferer & the Witness» (2006), многія песні з якіх сталі хітамі. Rise Against у пашане ў аматараў альтэрнатыўнага рока за іх сумесь агрэсіўнага і меладычнага панка і хардкора ў спалучэнні з сур'ёзнымі тэкстамі, якія прымушаюць задумацца. Праз гімнападобныя песні музыкі агаляюць сацыяльныя заганы чалавецтва і пратэстуюць супраць сусветнай несправядлівасці. Бо, як упэўненыя панк-рокеры, музыка і ёсць сродак для змен.

Дзе? Калі?

Час: 1 ліпеня.
Месца: Палац спорту.
Кошт пытання: 600 - 900 тыс. руб.
Квіткі можна набыць у офісе арганізатара на адрасе: Няміга, 3. оф. 335, а таксама на сайтах усіх білетных аператараў.