Марцін Дэмпсі: Еўропе пагражаюць тэрарызм і агрэсія з боку РФ
- 20.01.2015, 9:37
- 4,650
Асноўныя фактары, якія ўяўляюць небяспеку для Еўропы - тэрарыстычныя акты і агрэсія Расеі.
Пра гэта заявіў старшыня Аб'яднанага камітэта начальнікаў штабоў ЗША генерал Марцін Дэмпсі падчас сустрэчы ў Рыме з італьянскім вайсковым кіраўніцтвам, паведамляе тэлеканал 112 са спасылкай на прэс-службу Пентагона.
«Упершыню цягам доўгага часу ЗША і саюзнікі сутыкаюцца з вельмі відавочнымі пагрозамі - звычайнай узброенай з боку Расеі, а таксама нестандартнай пагрозай з боку тэрарызму і экстрэмістаў», - сказаў генерал Дэмпсі.
Ён падкрэсліў, што Італія ў сілу свайго геаграфічнага размяшчэння мае справу з рэальнымі праявамі абодвух гэтых выклікаў.
Як адзначылі ў Пентагоне, бакі абмеркавалі існае супрацоўніцтва ў вайсковай сферы, а таксама перспектывы развіцця ўзаемадзеяння ў новых рэаліях.
Нагадаем, што ў Пентагоне не выключаюць магчымасці пачатку Расеяй вайны з Украінай, Прыбалтыкай і Грузіяй.