У Віцебску канфіскавана амаль 45 тысячы фальшывых даляраў
5- 21.01.2015, 10:48
- 13,236
У віцябляніна выяўлена і канфіскавана 477 фальшывых грашовых купюр наміналам па 100 даляраў ЗША.
Крымінальная справа паводле ч. 2 арт. 221 КК (выраб, захоўванне або збыт падробных грошай у асабліва буйнай суме) распачатая ў Віцебску ў дачыненні да мужчыны, раней судзімага за незаконны абарот наркатычных сродкаў.
Як паведамілі ў МУС Беларусі, мужчына быў затрыманы супрацоўнікамі службы па барацьбе з эканамічнымі злачынствамі УУС Віцебскага аблвыканкама і Кастрычніцкага РУУС Віцебска позна ўвечары 18 студзеня. У яго знойдзена і канфіскавана 477 фальшывых грашовых купюр наміналам па 100 даляраў ЗША, паведамляе БелаПАН.