Украінскі журналіст задаў нязручнае пытанне Лаўрову

Раман Цымбалюк спытаў кіраўніка МЗС РФ аб расейскай вайсковай тэхніцы ў Данбасе.

Журналіст УНІАН Раман Цымбалюк, які задавший Владимиру Путинузадаў Уладзіміру Пуціну нязручнае пытанне аб расейскіх войсках ва Украіне, сёння на прэс-канферэнцыі кіраўніка МЗС РФ Сяргея Лаўрова спытаў у яго, як ён можа растлумачыць наяўнасць расейскіх цяжкіх узбраенняў на ўкраінскай зямлі, піша "Новы час".

Кіраўнік расейскага замежнапалітычнага ведамства быў вельмі прадказальны ў сваіх адказах, распавёўшы, што акрамя савецкіх, украінскіх і набытых да пачатку канфлікту расейскіх узбраенняў на тэрыторыі Украіны ніякай іншай расейскай зброі няма.

Ён пры гэтым паведаміў аб тым, што на тэрыторыі Украіны нібыта знаходзіцца зброя, якую пастаўляе "Захад", не ўдакладніўшы, каго менавіта ён мае на звазе пад гэтым выразам.

На пытанне журналіста Бі-бі-сі пра тое, што Расея гатовая зрабіць, каб спыніць паток баевікоў і ўзбраення праз расейска-ўкраінскую мяжу, Лаўроў адказаў, што Маскве не былі прадстаўленыя факты перакідання сіл ва Украіну.

"Калі вы гэта з такой упэўненасцю сцвярджаеце, то пакажыце факты. Нам факты выставіць не могуць. Таксама як не могуць выставіць факты што да таго, што адбылося з малайзійскім Боінгам - ні звестак украінскіх дыспетчараў, ні звестак амерыканскіх АВАКС [авіяцыйны комплекс радыёпеленгу і навядзення]", - сказаў Лаўроў.

Як паведамлялася, журналіст украінскага інфармагенцтва УНІАН Раман Цымбалюк прыйшоў на вялікую прэс-канферэнцыю Уладзіміра Пуціна ў світшоце з надпісам Кроп і задаў шэраг пытанняў, пачуўшы якія, прэзідэнт РФ прыкметна занерваваўся.

Прынамсі, у жывым эфіры Цымбалюк спытаў Пуціна пра колькасць расейскай тэхнікі і расейскіх жаўнераў, якіх ён адправіў на ўсход Украіны, а таксама пра лёс палоннай Надзеі Саўчанкі, якая знаходзіцца з расейскім СІЗА.