Віцэ-прэм'ер РФ дапусціў зніжэнне кошту нафты да $25

Аркадзь Дварковіч уважае за магчымае кароткатэрміновае зніжэнне коштаў нафты да $25-30 за барэль.

Пра гэта ён заявіў ён у інтэрв'ю Bloomberg TV у Давосе, піша "Інтэрфакс".

"Дапускаю, што кошты нафты могуць знізіцца да $25-30 за барэль, але гэта будзе кароткатэрміновым зніжэннем. Паводле вынікаў года чакаю сярэднегадавы кошт на ўзроўні вышэй існых каціровак, але не нашмат", - сказаў ён, дадаўшы, што як толькі кошт нафты стабілізуецца на любым узроўні, рубель спыніць падзенне.

Раней дапушчэнне аб падзенні нафты да $25 зрабіў кіраўнік "Лукойла" Вагіт Алекпераў, які паказаў на павышаную валацільнасць нафтавых коштаў.

Дварковіч у інтэрв'ю Bloomberg таксама заявіў, што магчымае зніжэнне суверэннага рэйтынгу Расеі да "смеццевага" ўзроўню стала б памылковай пастановай з боку рэйтынгавых агенцтваў. У Расеі вельмі нізкая вонкавая запазычанасць, няма рызыкі дэфолту, стабільныя фінансы, растлумачыў расейскі віцэ-прэм'ер. "Абама не мае рацыі, расейская эканоміка не знішчаная", - сказаў ён.

Нафта патаннела на сусветных рынках амаль на 60% з чэрвеня 2014 года, у сераду цэны нафты перайшлі да росту ў сераду пасля імклівага зніжэння паводле вынікаў таргоў ў аўторак, якое для маркі WTI было горшым за тыдзень. Аналітыкі адзначаюць адноўленае ўзмацненне валацільнасці на нафтавым рынку. Сакавіцкі кантракт на Brent у сераду гандлюецца ніжэй за $49 за барэль на фоне перавытворчасці і слабага росту попыту.

Вядучы горназдабыўны канцэрн свету BHP Billiton абвясціў аб скарачэнні колькасці буравых установак на сланцавых радовішчах у ЗША амаль на 40% да ліпеня - з 26 да 16. "Мы назіраем усё новыя паведамленні аб вывадзе з эксплуатацыі буравых установак у ЗША. Гэта крок у правільным кірунку, але на гэтым этапе яго недастаткова. WTI неабходна прабіць $50 за барэль уверх або $45 за барэль уніз, каб рынак вызначыўся з кірункам дынамікі на наступны этап", - мяркуе галоўны аналітык CMC Markets у Сіднэі Майкл Макарці.