Фільмы жахаў дапамагаюць спаліць лішнія калорыі
6- 21.01.2015, 20:08
- 7,261
Прагляд якасных «жахаў» дапамагае спаліць лішнія калорыі, высветлілі брытанскія навукоўцы.
Яны паказалі групе добраахвотнікаў 10 фільмаў жаху - як новыя, так і якія сталі класікай кінамастацтва, інфармуе АиФ.
Падчас сеансаў ва ўдзельнікаў эксперыменту вымяралі частату сэрцабіцця, колькасць ўдыхальнага кіслароду і выдыхальнага вуглякіслага газу і іншыя паказчыкі. Высветлілася, што падчас прагляду жахаў арганізм траціць на траціну больш энергіі.
Паводле вынікаў эксперыменту самым эфектыўным у расходзе калорый названы фільм «Ззянне» Стэнлі Кубрыка. За праглядам гэтага фільма спальваецца блізу 184 кілакалорый - амаль столькі ж, колькі за паўгадзінны шпацыр. Далей месцы размеркаваліся так:
«Сківіцы» - 161 ккал;«Выгнанне д'ябла» - 158 ккал;«Чужы» - 152 ккал;«Піла» - 133 ккал;«Кашмар на вуліцы Вязаў» - 118 ккал;«Паранармальная з'ява» - 111 ккал;«Тэхаская разня бензапілой» - 107 ккал;«Ведзьма з Блэр: курсавая з таго свету» - 105 ккал;«Рэпартаж» - 101 ккал.
Феномен дзеяння жахаў заснаваны на тым, што праз перажываны стрэс пульс пачашчаецца, кроў рухаецца хутчэй, адбываецца выкід адрэналіну, пагаршаецца апетыт, паскараецца метабалізм.
Фота: Shutterstock.com