Крэдыты вярнуліся, але сталі ўдвая даражэйшыя

Цяпер пазычальнікі будуць пераплачваць мінімум палову сумы, якую яны бяруць у пазыку.

У снежні, каб урэгуляваць сітуацыю на фінансавым рынку, Нацбанк не толькі ўвёў камісію ў 30% на набыццё валюты, але і парэкамендаваў банкам не выдаваць крэдыты, піша «Комсомольская правда в Беларуси».

Мэта такой меры - абмежаваць рост грашовай масы і, такім чынам, павялічыць кошт грошай. У выніку цэлы месяц беларусы не маглі ўзяць грошы ў пазыку ў банку. Але гэтая рэкамендацыя дзейнічае толькі да 1 лютага, і прадаўжаць яе галоўны банк краіны не мае намеру. А таму і камерцыйныя банкі паступова пачалі вяртацца да выдачы крэдытаў. Праўда, стаўкі пазычальнікаў не пацешаць. Самы танны крэдыт, які нам удалося знайсці, банк гатовы выдаць пад 45% гадавых, а самы дарагі - аж пад 82% гадавых!

У сярэднім жа стаўкі па крэдытах цяпер вагаюцца ад 60 да 65%. Для параўнання: яшчэ ў пачатку снежня пазычыць грошы ў банка можна было ў сярэднім пад 25 - 30%.