Шымон Перэс раскрыў сакрэт даўгалецця
5- 22.01.2015, 16:30
- 20,744
Былы прэзідэнт Ізраіля Шымон Перэс раскрыў сакрэт даўгалецця.
Пра гэта паведамляе РІА «Новости». 91-гадовы палітык, які лічыўся самым пажылым кіраўніком дзяржавы, распавёў, што трэба шмат працаваць, марыць і аддаваць перавагу сумленнасці над багаццем.
Перэс адзначыў, што ён заўсёды чымсьці заняты. «Рэкамендую наогул не браць адпачынкаў. Самае цікавае ў жыцці - гэта праца», - заявіў палітык. Былы прэзідэнт дадаў, што неабходна параўноўваць свае мары з рэальнымі дасягненнямі - «пакуль першых больш, чым другіх, вы маладыя».
Шымон Перэс стаў прэзідэнтам Ізраіля ў 2007 годзе ва ўзросце 84 гадоў. 24 ліпеня 2014 года ён пакінуў свой пост. Раней двойчы займаў пасаду прэм'ер-міністра краіны і тройчы міністра замежных спраў. Пасля заканчэння прэзідэнцкага тэрміну, Перэс афіцыйных пасад ва ўрадзе Ізраіля не займаў, піша Lenta.ru.
Палітык нарадзіўся 2 жніўня 1923 у мястэчку Вішнева Навагрудскага ваяводства Польшчы (цяпер Менская вобласць Беларусі) у сям'і скупшчыка піламатэрыялаў і настаўніцы расейскай мовы. У 1934 годзе сям'я Перэс пераехала ў Палестыну.