Гомельскі таксіст: Работы ў горадзе няма

Рост канкурэнцыі, коштаў на бензін і рост даляра - фактары, якія забіваюць бізнэс прыватнага возніцтва.

Адзін з таксістаў, які працуе больш за 10 гадоў у Гомелі, падзяліўся сваімі думкамі з нагоды новай сітуацыі ў краіне з charter97.org.

«Я працую больш за 10 гадоў і бачу, як з кожным годам становіцца ўсё горш. А цяпер наогул кашмар: нашы аператары мяняюцца кожны месяц, машын засталося ў службы адзінкі, па сваім вялікім раёне я дзяжуру адзін. Чаму? Мне здаецца, усе фактары вельмі няўчас супалі: машын становіцца ўсё больш, у гэтым «дапамагла» Расея, калі людзі кінуліся скупляць танныя аўтамабілі яшчэ даслоўна месяц таму. Плюс да ўсяго - валюта расце, заробкі падаюць, канкурэнцыя ўсё вышэйшая, а працы ўсё менш. Сёння ў мяне наогул другі заказ за дзень, а справа да вечара... Добрыя часы ўжо не вярнуць», - распавёў ён.