На ўсходзе Украіны выяўленыя сістэмы СПА з Расеі

Вайскоўцы NATO выявілі на ўсходзе Украіны прыкметы сістэм СПА і электроннай вайны.

Пра гэта заявіў вярхоўны галоўнакамандуючы сіламі NATO у Еўропе амерыканскі генерал Філіп Брыдлаў журналістам у чацвер, паведамляе «Інтэрфакс».

Сітуацыю ва Украіне ён ахарактарызаваў як «дрэнную»: інтэнсіўнасць баявых дзеянняў дасягнула ўзроўню, які быў перад заключэннем менскіх пагадненняў, а ў некаторых выпадках яшчэ горшай. У больш шырокім кантэксце ён адзначыў уплыў падзей ва Украіне на планы вайсковага будаўніцтва NATO.

Пра гэта ішла размова на нарадзе вышэйшых вайскованачальнікаў краін альянсу. Генерал распавёў, што праз узмоцненае вайсковае супрацьстаяння набывае асаблівае значэнне План дзеянняў у імплементацыі гатоўнасці, ухвалены на саміце ва Уэльсе.

Прадугледжаныя гэтым планам меры, і што ствараюцца ў ягоных рамках сілы здольныя, са слоў камандуючага, «супрацьстаяць звычайным і незвычайным пагрозам з усіх напрамкаў, а не толькі з усходу, пагрозам з боку дзяржаў і недзяржаўных суб'ектаў, уключаюць варыянты крызіснага рэагавання паводле артыкула 5 Вашынгтонскай дамовы, якая прадугледжвае калектыўную абарону, ці якія не належаць да гэтага артыкула».