Фотафакт: Адэсіты адсвяткавалі Дзень саборнасці «жывым ланцугом»

З нагоды Дня саборнасці больш за сотню адэсітаў утварылі жывы ланцуг на пацёмкінскай лесвіцы.

Удзельнікі акцыі сімвалічна падзяліліся на дзве групы: першая спускалася зверху, другая - падымалася ім насустрач. Калі ўтварыўся адзіная ланцуг, людзі праспявалі гімн Украіны. Таксама актывісты ўшанавалі памяць першых загінулых на Еўрамайдане ў Кіеве. Яны расцягнулі банер з партрэтамі Сяргея Нігояна, Міхаіла Жызнеўскага і Юрыя Вярбіцкага. Адэсіты выклалі свечкі ў форме трызубца і выканалі песню "Воіны свету".

Арганізавалі акцыю грамадскія актывісты і фанаты футбольнага клуба "Чарнаморац". Мэтай акцыі было паказаць, што адэсіты не абыякавыя да сітуацыі ва Украіне, паведамляе "Радіо Свабода".

22 студзеня Украіна адзначала Дзень саборнасці і свабоды. Гэтае свята адзначаецца штогод у дзень абвяшчэння Акту ўз'яднання Украінскай Народнай Рэспублікі і Заходне-Украінскай Народнай Рэспублікі, якое адбылося ў 1919 годзе. Урачысты Акт ўз'яднання Заходне-Украінскай Народнай Рэспублікі і Украінскай Народнай Рэспублікі ў адзіную саборную Украінскую дзяржаву абвясціла дырэкторыя УНР 22 студзені 1919 на Сафійскай плошчы ў Кіеве. Украінскія актывісты ў гэты дзень традыцыйна ствараюць жывы ланцуг на мосце Патона ў Кіеве, як сімвал адзінства незалежнай Украіны.