Фанаты «Шэрлака» зрываюць здымкі серыяла

Прыхільнікі брытанскага шоу адцягваюць ад працы артыстаў і каманду.

Тры чвэрці апытаных выданнем Radio Times, пагадзіліся з тым, што фанаты серыяла "Шэрлак" сваёй прысутнасцю на пляцоўцы перашкаджаюць здымкам. Усяго ў апытанні прынялі ўдзел 5000 чалавек, паведамляе Lenta.ru.

Раней аб тым, што прыхільнікі брытанскага шоу, якія называюць сябе #Setlockers, адцягваюць ад працы артыстаў і каманду, заявілі акцёр Марцін Фрыман, які іграе ролю доктара Ватсана, і стваральнік серыяла Марк Гаціс. Фрыман прызнаўся, што прысутнасць старонніх на натурных здымках перашкаджае засяродзіцца. Гаціс распавёў, што дзеянні #Setlockers вымушаюць аўтараў дэтэктыва ўносіць змены ў сцэнар і вытворчы працэс.

Пасля скаргаў здымачнай групы "Шэрлака" ў яе падтрымку выступілі прыхільнікі серыяла па ўсім свеце, большасць з якіх заклікала #Setlockers не перашкаджаць вытворчасці любімага шоу. У дадзены момант ідуць здымкі спецыяльнага каляднага эпізоду "Шэрлака", які павінны звязаць падзеі трэцяга і чацвёртага сезонаў серыяла. Ягоная прэм'ера чакаецца ў снежні 2015 года.

"Шэрлак", які пераносіць дзеянне твораў Артура Конан-Дойля пра сышчыка Шэрлака Холмса ў сучасны Лондан, выходзіць на брытанскіх каналах BBC One і BBC Two з 2010 года.