Алег Дзерыпаска: «Усё самае горшае наперадзе»
12- 24.01.2015, 13:23
- 38,854
Расея знаходзіцца ў цяжкай сітуацыі. Усе не проста прагназуюць адсутнасць росту, але і прагназуюць спад.
Як паведамляе Archie Goodwin, пра гэта заявіў у інтэрв'ю расейскі мільярдэр Алег Дзерыпаска ў Давосе.
«Расейскаму бізнэсу цяпер не ўдаецца прыцягваць сродкі ні ўнутры краіны, ні за мяжой. Яны (крэдыторы) усе аднолькавыя. Яны глядзяць на рызыкі, а Расея цяпер знаходзіцца пад самай вялікай рызыкай. ЦБ заганяе расейскі бізнэс на могілкі! Гэта менавіта як раз тое, чаго і ЦБ, і ўрад дамагаюцца.
Яны ж хочуць дамагчыся нулявой інфляцыі. Самая, я думаю, нізкая інфляцыя - на могілках, там ужо нікому нічога не трэба. Гэта ж жыхары неба, касманаўты. Я думаю, калі будзе новая расейская касмічная станцыя створаная, прасцей ЦБ і яшчэ некаторых асабліва ўпэўненых эканамістаў у заўтрашнім дні адгрузіць туды, каб яны адтуль каментавалі. У іх будзе больш набліжаны погляд на нашу эканоміку з космасу», - сказаў Дзерыпаска.