Барыс Нямцоў: У Данбасе пачалася буйнамаштабная вайна
16- 24.01.2015, 14:47
- 55,080
Ніякіх менскіх дамоўленасцей Крэмль выконваць не збіраецца.
Пра гэта ў сваім акаўнце на «Фэйсбуку» напісаў лідар расейскай апазіцыі Барыс Нямцоў.
«Пуцінскія сепаратысты пачалі абстрэл горада Марыупаля і наступаюць па ўсім фронце. Захарчанка напярэдадні заявіў, што іх мэта - дайсці да межаў Данецкай і Луганскай абласцей.
Паўтараецца сцэнар жніўня. Пуцін уводзіць войскі, танкі, «Грады» і іншае цяжкае ўзбраенне і тут жа пачынаецца наступ.
Задача Пуціна - захапіць Марыупаль, паколькі гэта цэнтр металургіі і кантроль над ім пазбаўляе Украіну найважнейшага сектара эканомікі. Акрамя таго, Марыупаль важны для сухапутнага калідора ў Крым.
Ніякіх менскіх дамоўленасцей Крэмль выконваць не збіраецца.
Незадоўга да наступлення Пуцін зняў подпіс Расеі з графіка выканання менскіх пагадненняў. Яшчэ 5 верасня гэтыя дамоўленасці падпісаў Зурабаў - пасол Расеі ў Кіеве і давераная асоба Пуціна на перамовах.
На Данбасе пачалася буйнамаштабная вайна.
Расею чакаюць далейшыя санкцыі і яшчэ большая ізаляцыя.
Крызіс будзе значна больш хваравітым, чым мяркуюць прыдворныя эканамісты.
Скажыце дзякуй параноіку», - напісаў палітык.