Жыхар Лунінца застрэліў жонку і цешчу

У Лунінцы ўчыненае падвойнае забойства, распачата крымінальная справа.

Пра гэта паведамілі ва Управе Следчага камітэта Берасцейскай вобласці, паведамляе БелТА.

Сёння каля 07:00 у кватэры шматпавярховага дома ў цэнтры Лунінца пачуліся стрэлы. Супрацоўнікі праваахоўных органаў, якія прыбылі па выкліку суседзяў, выявілі трупы дзвюх жанчын 56 і 37 гадоў - маці і дачкі. Відавочцай забойства стала 14-гадовая дзяўчына - пляменніца 37-гадовай жанчыны. Напярэдадні яна прыйшла ў госці да цёткі разам са сваёй бабуляй.

Пасля забойства жонкі і цешчы мужчына 1972 нараджэння разам са стрэльбай выбег з кватэры. Прыладу злачынства ён выкінуў па шляху да дома знаёмага, дзе яго затрымалі супрацоўнікі органаў унутраных спраў.

У шлюбнай пары двое дзяцей: 18-гадовая дачка, якая жыве асобна ад бацькоў, і 12-гадовы сын, які выгульваў сабаку ў момант забойства.

Паводле гэтага факту Лунінецкі раённы аддзел СК распачаў крымінальную справу ў ч.2 арт.139 (забойства двух асоб) КК РБ. Следчыя разам з супрацоўнікамі міліцыі працуюць на месцы здарэння, выяўленая і канфіскаваная паляўнічая стрэльба.

Высвятляюцца ўсе абставіны здарэння, у тым ліку матывы ўчынення злачынства.