NASA тэстуе марсалёт-беспілотнік (Відэа)

Амерыканскае аэракасмічнае агенцтва NASA вядзе распрацоўку беспілотнага верталёта, прызначанага для палётаў на Марсе.

Лятальны апарат, паводле звестак інжынераў, зможа пераадольваць значную адлегласць і атрымліваць больш візуальнай інфармацыі, чым наземны сродак выведкі. Такі БПЛА не заменіць марсаход, а будзе працаваць з ім у пары, піша onliner.by.

Паводле задумы навукоўцаў, марсалёт будзе весці выведку і вывучаць мясцовасць у пошуках «кропак цікавасці», калі агляду прасторы перашкаджаюць элементы ландшафту. Затым каманда на Зямлі пракладзе да іх курс для машыны, якая будзе перасоўвацца па паверхні Марса, для дэталёвага агляду мясцовасці.