Навукоўцы з Фінляндыі ўсім рэкамендуюць есці чарніцы і буякі

Усяго адная жменя чарніц або дурніц у дзень можа дапамагчы знізіць шкоднае ўздзеянне на арганізм харчавання з высокім утрыманнем тлушчоў.

Да такой высновы прыйшлі навукоўцы з Універсітэта Усходняй Фінляндыі, піша kedem.ru.

Гэта магчыма дзякуючы таму, што гэтыя ягады ўтрымліваюць вялікую колькасць поліфенолаў, якія змагаюцца з шматлікімі хваробамі. Асабліва карысныя антацыяны, якія надаюць чарніцам і буякам характэрны сіні колер.

Падчас даследавання было ўстаноўлена, што дадаванне ягад чарніцы або буякоў да штодзённага рацыёну здольнае змяншаць узровень запалення ў клетках і памяншаць рызыку развіцця захворванняў, звязаных з атлусценнем. Са слоў навукоўцаў, ягады, якія з'яўляюцца неад'емнай часткай паўночнага тыпу харчавання, павінны ўжывацца ва ўсім свеце.