Апублікаваныя новыя здымкі, знятыя на камеце Чурумава-Герасіменкі

Камета Чурумава-Герасіменкі мае нямала нечаканых уласцівасцяў.

У зонда Rosetta ёсць інструмент OSIRIS, які сабраў звесткі аб камеце 67P/Чурумава-Герасіменкі і цяпер навукоўцы паказалі іх у выглядзе дзесяці малюнкаў.

Нягледзячы на няўдачы з модулем Philae, місія прадаўжае сваю працу - і паказала нямала нечаканых уласцівасцяў каметы.

Зонд Rosetta адправіўся ў космас у сакавіку 2004 года. Рухаючыся па складанай траекторыі вакол Сонца, апарат набліжаўся да арбіты Юпітэра, пралятаў побач з Марсам і тры разы - побач з Зямлёй.

З чэрвеня 2011 апарат знаходзіўся ў рэжыме спячкі - значная частка яго бартавога абсталявання была выключаная. Бартавое абсталяванне было зноў запушчанае 20 студзеня. Падчас свайго касмічнага падарожжа зонд Rosetta сфатаграфаваў 120-кіламетровы астэроід Лютэцыя - самы вялікі астэроід, які людзі здолелі разглядзець з такой блізкай адлегласці.

Праз велізарную адлегласць навукоўцы даведаюцца аб тым, ці была пасадка Philae Еўрапейскага касмічнага агенцтва (ЕSA) на камету Чурумава-Герасіменкі паспяховай, толькі праз 28 хвілін. Навукоўцы мяркуюць, што на паверхні можна выявіць ваду ці нават якія-небудзь формы жыцця. Для гэтага апарат возьме пробы грунту, прасвідраваўшы паверхню каметы на 20 см.