Футбалісты БАТЭ і «Дынама» вылецелі на зборы ў Турцыю
4- 24.01.2015, 21:07
- 5,229
Два беларускія клубы адправіліся на першы збор у турэцкі Бэлек.
Абедзве каманды вылецелі да месца правядзення збораў на адным і тым жа самалёце. Пра гэта гаворыцца ў інстаграме БАТЭ.
Пад кіраўніцтвам Аляксандра Ермаковіча на міжземнаморскім узбярэжжы Турцыі будуць працаваць 24 футбалісты барысаўскага клуба:
боамнікі - Арцём Сарока, Сяргей Чэрнік, Антон Чычкан;
абаронцы - Максім Валадзько, Віталь Гайдучык, Максім Жаўнерчык, Ігар Жураўлёў, Філіп Младэнавіч, Дзяніс Палякоў;
паўабаронцы - Ілля Алексіевіч, Дзмітрый Бага, Аляксандр Валадзько, Аляксандр Карніцкі, Дзмітрый Ліхтаровіч, Эдгар Аляхновіч, Аляксандр Паўлаў, Аляксей Рыас, Ігар Стасевіч, Яўген Яблонскі;
нападнікі - Міхаіл Гардзяйчук, Уладзімір Карп, Уладзіслаў Клімовіч, Віталь Радзівонаў, Мікалай Сігневіч.
Яўген Яблонскі і Уладзіслаў Клімовіч, якія выступаюць цяпер у складзе моладзевай каманды Беларусі на «Кубку Садружнасці», далучацца да БАТЭ ў панядзелак, піша ex-press.by.
У Турцыі барысаўская каманда правядзе некалькі кантрольных гульняў: першая з іх адбудзецца 1 лютага супраць расейскага «Зеніта» з Санкт-Пецярбурга.
