Беларусы патрабуюць перасадзіць чыноўнікаў на Geely

Пачаты збор подпісаў пад петыцыяй з патрабаваннем прыняць адпаведны закон.

«У сувязі з цяжкай сітуацыяй, якая склалася на валютным рынку і ў эканоміцы нашай краіны, а таксама адсутнасцю належнай увагі і рэакцыі з боку ўладаў на афіцыйныя звароты, мы, падпісанты гэтай Петыцыі, патрабуем распрацаваць і прыняць закон, які абавязвае дзяржаўныя органы і прадпрыемствы набываць у якасці службовых транспартных сродкаў аўтамабілі выключна айчыннай вытворчасці (зборкі)», - гаворыцца ў звароце, размешчаным на сайце change.org.

Петыцыя адрасаваная Савету міністраў Беларусі. Яе аўтары пералічваюць перавагі аўтамабіляў маркі Geely, паказваючы на тое, што завод іх вытворчасці размешчаны ў Барысаве, а таксама на невысокі кошт машын.

«Прыняцце прапанаванага закона прывядзе да беспасярэдніх выгод для дзяржавы: захаванню валюты, эканоміі бюджэтных сродкаў, стымуляванню нацыянальнай эканомікі і паслужыць выдатным прыкладам для грамадзян нашай краіны ад яе чыноўнікаў, якія гатовыя падмацаваць свае словы справай - « купляць беларускае», - гаворыцца ў петыцыі.

Пад дакументам падпісаліся больш за 11 тысяч чалавек.