Жыхар Ваўкавыска: Знаёмага тэрмінова забралі на вайсковыя зборы

Жыхар Ваўкавыска распавёў аб падрабязнасцях збораў, на якія заклікаюць рэзервістаў.

З ягоных слоў, многіх яго землякоў забралі на іх незаконна. Пра гэта чытач charter97.org напісаў у рэдакцыю сайта.

«Я жыву ў Ваўкавыску. Cёння раніцай майго знаёмага забралі на нейкія зборы, - сказаў ён. - Прычым позву яму ўручылі ўчора на працы ў аддзеле кадраў, сказалі, што сёння а 7 раніцы ў ваенкамаце прачытаюць лекцыю. А калі ён прыйшоў у ваенкамат усіх пасадзілі ў аўтобус (усяго 4 аўтобусы людзей) і адвезлі ў частку, сказалі зборы на 35 дзён, і да гэтага часу ён знаходзіцца там. Трэба дадаць, што ў майго знаёмага дзіця не дасягнула трох гадоў. З ягоных слоў, разам з ім шмат мужчын у якіх малалетнія дзеці, ёсць нават бацька, што выхоўвае дзіця інваліда».

Пра тое, што ў Беларусі заклікаюць рэзервістаў, стала вядома ўчора.