Пасажыры маршруткі ў Віцебску трапілі ў пастку

Праз закліноўванне ссоўных дзвярэй у маршрутцы пасажырам прыйшлося выбірацца з салона праз пярэднія дзверы, пералазячы праз сядзенні.

Няспраўнасць выявілася на плошчы Перамогі, калі маршрутка, якая ехала па Маскоўскім праспекце, ужо мінула галоўпаштамт, і кіроўца нарэшце пачуў патрабаванне жанчыны спыніцца на адпаведным прыпынку, пішуць «Народные новости Витебска».

Спачатку пасажыры рабілі спробы дапамагчы жанчыне выйсці, мяркуючы пра яе неспрактыкаванасць у тэхніцы адчынення дзвярэй. Тым не менш, справіцца з дзвярыма не змог ніхто, і тады ўсе погляды, якія заклікалі аб дапамозе, былі накіраваныя на кіроўцу маршрутнага таксі.

Варта адзначыць, што і журналісту давялося прыкласці пэўныя намаганні, каб вывесці кіроўцу са стану апатыі. Цягам дзвюх-трох хвілін ён наогул не выказваў ніякіх прыкмет імкнення вырашыць сітуацыю. Акрамя таго, нават пасля таго, як кіроўца прачнуўся, за выключэннем простай адвёрткі нічога для выпраўлення аварыйнай сітуацыі ў яго не было.

Негатоўнасць кіроўцы прафесійна разабрацца ў сітуацыі магла наштурхнуць на любыя думкі. Некаторыя пасажыры пачалі выказваць меркаванне, што ён проста нецвярозы. Між тым, выявілася, што заднія дзверы маршрутнага таксі таксама не адчыняюцца. Гэта выклікае лагічнае пытанне: а што б адбылося ў выпадку пажаранебяспечнай сітуацыі?

У выніку, усім пасажырам салона прыйшлося пералазіць праз пярэднія сядзенні, каб выйсці ў пярэднія дзверы. Пры гэтым сярод пасажыраў былі і шаноўнага ўзросту жанчыны, і дзеці. Адзначым, што, калі пасля ўскрыкаў на кіроўцу маршруткі, які знаходзіўся ў стане ці то псіхалагічнага, ці то нейкага іншага ступару, ён усё ж такі камусьці патэлефанаваў і даклаў аб пазаштатнай сітуацыі.

Уладальнікам гэтага маршрутнага таксі з'яўляецца таварыства з абмежаванай адказнасцю «Карго-Вит плюс». Гэты перавозчык быў зарэгістраваны 27 чэрвеня 2014 года ў Мазолаўскім сельсавеце Віцебскага раёна.