Дональд Туск: супакаенне агрэсара падахвочвае яго да насілля
1- 25.01.2015, 16:34
- 12,223
Свет павінны ўзмацніць ціск на агрэсара ў асобе РФ, паколькі палітыка супакаення падахвочвае яго да большага насілля.
Пра гэта заявіў прэзідэнт Еўрапейскай Рады Дональд Туск на сваёй старонцы ў сетцы мікраблогаў «Твітэр».
Паводле ягоных слоў, ён правёў тэрміновую размову з прэзідэнтам Пятром Парашэнкам у сувязі з абвастрэннем канфлікту ў Данбасе і тэрактам у Марыўпалі. У тэлефоннай размове гаворка ішла пра тое, што міжнародная супольнасць павінная рабіць ва ўмовах расту насілля на ўсходзе Украіны, піша «Украинская правда».
«Яшчэ раз: супакаенне падахвочвае агрэсара да большых актаў насілля. Час узмацняць нашую палітыку, заснаваную на халодных фактах, а не на ілюзіях», - заявіў Дональд Туск, відавочна, маючы на ўвазе ўзмацненне санкцый у дачыненні да РФ.
Once again, appeasement encourages the aggressor to greater acts of violence. Time to step up our policy based on cold facts, not illusions
— Donald Tusk (@eucopresident) 24 января 2015
Нагадаем, тэрарысты ДНР і расейскія вайскоўцы 24 студзеня ў 09:25 абстралялі з «Градаў» усходнія ўскраіны Марыўпаля. Афіцыйны Кіеў усклаў адказнасць за гэтае злачынства непасрэдна на Расею і яе прэзідэнта Уладзіміра Пуціна. Паводле апошніх звестак, колькасць ахвяр абстрэлу дасягнула 30 чалавек, а параненых - 102.