Памёр спявак Дэміс Русас

Грэцкі музыкант памёр у ноч на 25 студзеня на 69-м годзе жыцця.

Пра гэта паведамляе Le Figaro са спасылкай на дачку музыканта. Прычына смерці пакуль невядомая.

12 сакавіка 2015 года Дэміс Русас павінен быў выступіць з канцэртам у Маскве, прымеркаваным да 50-гадовага юбілею творчай дзейнасці.

Апошнім часам ён пражываў як у Грэцыі, так і ў Францыі, дзе ў яго быў дом у размешчаным побач з Парыжам горадзе Нэі, паведамляе Lenta.ru.

Дэміс Русас (Артэміёс Вентурыс Русас) нарадзіўся 15 чэрвеня 1946 у горадзе Александрыі, у музычнай сям'і выхадцаў з Грэцыі. На гістарычную радзіму сям'я Дэміс пераязджае ў 1950-х гадах.

У пачатку 1960-х гадоў Русас разам з Вангелісам засноўвае ансамбль Aphrodite's Child, які выконваў арт-рок. Група стала папулярнай не толькі ў Грэцыі, але і ва ўсёй Еўропе. У канцы 1970-х гадоў уладальнік унікальна высокага тэнара актыўна займаецца сольнымі праектамі і запісвае свае самыя вядомыя песні: We Shall Dance, Goodbye My Love, Souvenirs. У 1980-я гады Русас даваў па 150 канцэртаў у год. За сваю музычную кар'еру ён прадаў каля 60 мільёнаў копій альбомаў ва ўсім свеце.

Фота: AFP