«Фэйсбук» зняпраўдзіў дачыненне хакераў да непаладак
- 27.01.2015, 15:19
- 3,345
Кампанія «Фэйсбук» патлумачыла збой у працы сеткі тэхнічнымі непаладкамі.
«Сёння раніцай многія карыстальнікі не змаглі ўвайсці ў «Фэйсбук» і Instagram. Прычынай гэтага сталі зробленыя намі змены, якія паўплывалі на сістэмы канфігурацыі, ніякіх несанкцыянаваных вонкавых умяшанняў не было. Мы хутка ліквідавалі ўсе непаладкі, і цяпер абодва сэрвісы функцыянуюць у поўным аб'ёме», - распавёў РБК прадстаўнік кампаніі.
Раней аб сваім дачыненні да збою ў працы сацсетак «Фэйсбук» і Instagram заявілі хакеры з групоўкі, якая заве сябе Lizard Squad. Гэтыя хакеры раней узламалі сайт авіякампаніі Malaysia Airlines і заявілі аб тым, што дзейнічаюць ад імя «Ісламскай дзяржавы».
Аб збоях у працы сэрвісу «Фэйсбук» прыкладна а 10:30 паводле менскага часу ў аўторак паведамілі інтэрнэт-карыстальнікі ва ўсім свеце. У гэты ж час стала вядома аб тым, што "ляжыць" сэрвіс Instagram. Непаладкі закранулі ЗША і Еўропу.
А 10:08 праца сацыяльных сетак аднавілася. Апошнім разам такі збой назіраўся ў жніўні 2014 года, калі тысячы карыстальнікаў «Фэйсбуку» ва ўсім свеце, уключаючы Беларусь, адчувалі цяжкасці з атрыманнем доступу да сайту сацыяльнай сеткі.
Фота: Reuters