Доктар, які выдаў КДБ збітага Някляева, стаў намеснікам Шапіры
32- 27.01.2015, 15:59
- 46,908
27 студзеня дыктатар прыняў шэраг кадравых пастаноў.
Аляксандр Лукашэнка прызначыў:
Рамановіча Івана Пятровіча - першым намеснікам старшыні Камітэта дзяржаўнага кантролю;
Сокала Ігара Сяргеевіча - кіраўніком Апарату Савета Міністраў Рэспублікі Беларусь;
Кангро Ірыну Сцяпанаўну - першай намесніцай старшыні Нацыянальнага статыстычнага камітэта;
Васілеўскую Жанну Мікалаеўну - намесніцай старшыні Нацыянальнага статыстычнага камітэта;
Каваленку Яўгена Іосіфавіча - дырэктарам Нацыянальнага цэнтра прававой інфармацыі.
Аляксандр Лукашэнка таксама прызначыў Надзвычайнага і Паўнамоцнага Пасла Рэспублікі Беларусь у Сірыйскай Арабскай Рэспубліцы Аляксандра Панамарова Надзвычайным і Паўнамоцным Паслом Рэспублікі Беларусь у Ліванскай Рэспубліцы па сумяшчальніцтве.
Дыктатар таксама даў згоду на прызначэнне:
Дзямідава Дзмітрыя Уладзіміравіча - старшынём Наваполацкага гарвыканкама;
Дранеўскага Уладзіміра Аляксандравіча - старшынём Браслаўскага райвыканкама;
Ягорава Сяргея Валер'евіча - старшынём Талачынскага райвыканкама;
Плаўскага Алега Альфрэдавіча - намеснікам старшыні Менскага аблвыканкама;
Сірэнку Віктара Іванавіча - намеснікам старшыні Менскага аблвыканкама;
Зубара Андрэя Леанідавіча - старшынём Чэрвеньскага райвыканкама;
Бутарава Аляксандра Міхайлавіча - старшынём Кіраўскага райвыканкама;
Клепчава Ігара Мікалаевіча - першым намеснікам міністра падаткаў і збораў;
Свідэрскага Генадзя Браніслававіча - першым намеснікам міністра прамысловасці;
Дубкоўскага Аляксандра Сяргеевіча - намеснікам міністра спорту і турызму;
Селіверстава Юрыя Міхайлавіча - намеснікам міністра фінансаў;
Касцевіч Ірыну Анатольеўну - намесніцай міністра эканомікі;
Чашчына Міхаіла Юр'евіча - дырэктарам Дэпартамента інфарматызацыі Міністэрства сувязі і інфарматызацыі;
Бабко Сяргея Мікалаевіча - дырэктарам Дэпартамента кантролю і нагляду за будаўніцтвам Дзяржаўнага камітэта ў стандартызацыі;
Заранкіна Вадзіма Уладзіміравіча - чальцом Віцебскага аблвыканкама.
Адзін з чыноўнікаў, якія атрымалі новую пасаду, - Віктар Сірэнка (на фота) - стаў вядомы ў ноч з 19 на 20 снежня 2010 года, калі быў галоўным лекарам Лякарні хуткай медыцынскай дапамогі ў Менску. Менавіта сюды прывезлі збітага кандыдата ў прэзідэнты Уладзіміра Някляева з дыягназам «закрытая ЧМТ». Нягледзячы на гэта, Віктар Сірэнка асабіста выдаў даведку, у якой было ўказана, што ў палітыка былі толькі сляды ад удараў. Супрацоўнікі спецслужбаў вынеслі Някляева з будынка, і ён выявіўся ў следчым ізалятары КДБ.
Фота: minsknews.by