Суд адмовіў у кампенсацыі Міхаілу Гладкаму, якога незаконна асудзілі на 8 гадоў

Мужчына быў незаконна асуджаны і пяць гадоў правёў у калоніі, а затым яшчэ два гады на папраўчых працах.

У 2003 годзе Міхаіла Гладкага незаконна асудзілі за забойства брата на восем гадоў пазбаўлення волі, пазней год спісалі дзякуючы амністыі. У 2011 годзе знайшлі сапраўднага забойцу - Эдуарда Лыкава, якому за пяць забойстваў вынесенае смяротнае пакаранне. Як паведамляе БелаПАН, Міхаіл Гладкі патрабаваў сплаціць маёмасную і маральную шкоду за праведзеныя за кратамі гады, аднак суд гэты пазоў не задаволіў.

Прычына - прызнальныя сведчанні Міхаіла Гладкага, пасля яго затрымання і накіравання ў Навінкі. «Больш за ўсё я баяўся, каб мяне не прызналі ва’ятам. Я ж нармальны чалавек. З турмы яшчэ можна выйсці. Застацца ў псіхічнай лякарні я баяўся», - адзначыў ён, падкрэсліўшы, што пры затрыманні супрацоўнік у форме некалькі разоў стукнуў прыкладам аўтамата.

Прадстаўнікі Міністэрства фінансаў, спасылаючыся на ч.2 арт.461 КПК, у судзе намагалі, што калі Міхаіл Гладкі добраахвотна сябе агаварыў, кампенсацыя яму не належыць. Таго ж меркавання прытрымліваецца і пракурор Аляксандр Ляўковіч.

Паводле закону кампенсацыя незаконна асуджаным грамадзянам выплачваецца з бюджэту. Службовыя асобы, якія маюць дачыненне да лжывых абвінавачванняў і прысуду, матэрыяльнай адказнасці не нясуць.

Суддзя Аляксандр Барыла падтрымаў довады дзяржаўных органаў і адмовіў Міхаілу Гладкаму ў кампенсацыі. Пастанова суда можа быць абскарджаная ў 10-дзённы тэрмін. Гладкі мае намер абскардзіць пастанову суда.