На трасе пад Салігорскам перакуліўся МАЗ

Гружаны ўгнаеннямі МАЗ перакуліўся на Citroen у Салігорскім раёне. У легкавушцы цудам выжылі два чалавекі.

Пра гэта паведамляюць відавочцы групы «Салігорскія аўтааматары» ў сацыяльнай сетцы «Вконтакте».

ДТЗ здарылася ўчора а 14:20 на скрыжаванні з трасай Р23 (Менск - Мікашэвічы), удакладняе onliner.by.

«Кіроўца вялікагруза МАЗ, загружаны ўгнаеннямі, перасякаючы галоўную дарогу з боку Чапялі, не пераканаўся ў бяспецы праезду скрыжавання, учыніў сутыкненне (з наступным перакульваннем) з аўтамабілем маркі Citroen. У Citroen знаходзіліся два чалавекі. Іх жыццю, як і жыццю кіроўцу вялікагруза, нічога не пагражае», - паведамляюць відавочцы.