У Менску 3-гадовае дзіця выкінулі з балкона 12-га паверха

Упраўленне Следчага камітэта Менску ўстанаўлівае акалічнасці гібелі трохгадовага хлопчыка.

Пра гэта карэспандэнту БелТА паведамілі ў кіраванні СК.

28 студзеня ўвечары ад жыхароў аднаго з дамоў у Фрунзенскім раёне паступіла паведамленне пра падзенне дзіцяці на казырок над уваходам у пад'езд. Да месца здарэння неадкладна выбыла следча-аператыўная група, супрацоўнікі экстранных службаў. Ратавальнікі знялі хлопчыка і перадалі брыгадзе хуткай медыцынскай дапамогі. Пры правядзенні рэанімацыйных мерапрыемстваў на шляху ў больніцу ён памёр.

Следчымі ўстаноўлена, што дзіця магло быць скінутае з агульнага гаўбца 12-га паверху. Паводле ўзніклага падазрэння ва ўчыненні асабліва цяжкага злачынства затрымана ягоная 34-гадовая маці. Жанчына ў стане алкагольнага ап'янення знаходзілася на месцы трагедыі.

Паводле факту забойства заведама малалетняга УСК Менску распачатая крымінальная справа. З месца злачынства канфіскаваныя рэчавыя доказы, паводле іх прызначаныя адпаведныя экспертызы. З падазраванай працуюць следчыя. Высвятляюцца абставіны таго, што адбылося.