П'яны магілёвец скраў Peugeot і на ім трапіў у аварыю

Крымінальную справу за згон аўтамабіля распачалі ў Магілёве ў дачыненні да 43-гадовага мясцовага жыхара.

Як паведаміла інспектарка аддзялення агітацыі і прапаганды ДАІ УУС Магаблвыканкама Таццяна Старасотнікава, увечары 24 студзеня паблізу вёскі Калінавая мужчына скраў Peugeot 207. Пасля кіроўца не справіўся з кіраваннем і наехаў на бардзюрны камень на кольцы на вуліцы Грышына, паведамляе MyCity.by.

Праз зразумелыя прычыны згоншчык не стаў выклікаць супрацоўнікаў Дзяржаўтаінспекцыі. Аўтапатруль, які дзяжурыў непадалёк, сам пад'ехаў да месца аварыі. Фізічны стан кіроўцы адразу ж выклікаў у інспектараў падазрэнне. Пры медыцынскім аглядзе ў выдыханым кіроўцам паветры выявілася 1,7 праміле. У працэсе разбору мужчына паводзіў сябе абуральна, нецэнзурна лаяўся. Падчас пасадкі ў службовы аўтамабіль ён паказаў непадпарадкаванне супрацоўнікам ДАІ.

У дачыненні да магілёўца былі складзеныя пратаколы за дробнае хуліганства і за непадпарадкаванне. Падчас далейшага правядзення следчых мерапрыемстваў высветлілася, што Peugeot 207, які трапіў у дарожна-транспартнае здарэнне, знаходзіцца ў вышуку, а скраў яго менавіта гэты кіроўца.

Штраф, які чакае парушальніка, вылічаецца мільёнамі. Да таго ж мужчына пазбавіцца правоў кіроўцы. За згон аўтамабіля Крымінальным кодэксам прадугледжанае пазбаўленне волі на тэрмін да 5 гадоў.