Як перажыць зіму без хвароб

Не варта чакаць, калі чарговая прастуда пакладзе нас у пасцель - займіцеся прафілактыкай грыпу прама цяпер.

Гэта не запатрабуе ад вас нейкіх вар'яцкіх намаганняў, проста штодня рабіце што-небудзь карыснае для свайго імунітэту, паведамляе healthinfo.ua.

Павялічце колькасць калорый! Вы ж ведаеце галоўнае правіла - чым халадней на вуліцы, тым больш каларыйнай павінна быць ежа. Чаму? У халодны час арганізму патрабуецца больш энэргіі на падтрыманне пастаяннай тэмпературы цела. І калі вы не ўзбагаціце свой рацыён дастатковай колькасцю бялкоў і тлушчаў, то арганізму прыйдзецца працаваць у экстраным рэжыме, што прывядзе да вычэрпвання запасу сіл і зніжэння імунітэту.

Паклапаціцеся пра нос і горла. Слізістая абалонка насаглоткі - наш галоўны фарпост на шляху вірусаў і бактэрый. Таму, паклапаціцеся пра тое, каб слізістыя не перасыхалi і, калі ўключаеце абагравальнікі і знаходзіцеся ў ацяпляльным памяшканні, не забывайце аб увільгатненні паветра. Дадаткова закапвайце нос алейнымі травянымі экстрактамі або алеем гі (топленым алеем).

Падтрымайце арганізм вітамінамі. Найлепш за ўсё падыдуць вітаміны натуральнага паходжання, напрыклад, чорная парэчка, перацёртая з цукрам або цытрусавыя. Не забывайце аб травяных гарбатах (рамонак і эхінацея) або прымайце імунамадулятары. Звярніцеся за парадай да тэрапеўта.

Падтрымайце мікрафлору кішэчніка. Бо менавіта ў ім засяроджана вялікая колькасць бактэрый, якія адказваюць за падаўленне патагеннай мікрафлоры. Вернымі памочнікамі будуць кісламалочныя прадукты (ёгурт, кефір і сыроватка). А яшчэ сачыце за своечасовым ачышчэннем кішэчніка - штодня нашча выпівайце шклянку ледзь цёплай вады.

Не забывайце пра адпачынак. Даўно даказана, што людзі, якія доўгі час падвяргаліся стрэсу, хварэюць значна часцей і даўжэй. Любыя стрэсы негатыўна адбіваюцца на нашым арганізме. Таму, калі не хочаце хварэць - часцей адпачывайце і паклапаціцеся аб якасным начным сне. І не нервуйцеся па дробязях - навучыцеся знаходзіць як мага больш добрага ў кожны момант свайго жыцця.