Жыхар Барысава 1 студзеня «замінаваў» мясцовую паліклініку

Ілжэмінёр, які патэлефанаваў у першы дзень новага года, затрыманы, у дачыненні да яго распачатая крымінальная справа.

1 студзеня а 16.45 на лінію «102» РУУС паступіў тэлефонны званок ад невядомага з невядомага абанента, што ў будынку паліклінікі №4 у г. Барысаве закладзенае выбуховае прыстасаванне, паведамілі charter97.org ва УУС Менаблвыканкама.

Падчас абследавання паліклінікі і прылеглых тэрыторый выбуховую прыладу не выявілі.

РАСК распачатая крымінальная справа паводле арт.340 ч.1 КК Рэспублікі Беларусь.

Супрацоўнікамі ОУР РУУС высветлена, што злачынства здзейсніў Б., 1993 года нараджэння, непрацуючы, раней судзімы за рабаванне, жыхар Барысава, які затрыманы ў парадку арт.108 УКП РБ.