БАТЭ развітаўся з чатырма легіянерамі

Адразу чатыры легіянеры пакінулі каманду чэмпіёна Беларусі барысаўскага БАТЭ пасля заканчэння футбольнага сезону-2014.

У наступным сезоне ў барысаўскай дружыне не будзе расейскага абаронцы Анры Хагуша, які перайшоў у стан дэбютанта элітнага дывізіёна чэмпіянату Расеі тульскага "Арсенала". Упершыню Анры Хагуш з'явіўся ў БАТЭ летам 2006 года, затым выступаў у некалькіх расейскіх клубах, а ў пачатку мінулага года зноў стаў гульцом асноўнага складу барысаўскай каманды. У агульнай складанасці Анры Хагуш адыграў у форме БАТЭ 122 матчы, забіўшы 3 галы і аддаўшы 9 дзейсных перадач, паведамляе БелТА.

Пасля заканчэння тэрміну дзеяння кантрактаў з БАТЭ развіталіся латвійскі брамнік Герман Маліньш, які правёў у Барысаве два гады, але не замацаваны ў аснове, сербскі абаронца Нямання Тубіч, які стаў гульцом БАТЭ мінулым летам (13 матчаў, 1 гол), і ўкраінскі паўабаронца Андрэй Якаўлеў, які таксама перайшоў у Барысаў мінулым летам (11 матчаў, 2 галы).

Акрамя таго, развязанае пытанне аб расставанні з барысаўцамі найлепшага абаронцы чэмпіянату Беларусі-2014 Ягора Філіпенкі. Праўда, пакуль дакладна невядома, у клуб якой краіны ён пяройдзе. У ліку магчымых адрасоў працягу гульнявой кар'еры выхаванца сталічнай школы "Змена" называецца гішпанская "Малага".