Наймацнейшы лясны пажар у Аўстраліі: агонь пагражае буйным гарадам

Наймацнейшы лясны пажар бушуе на поўдні Аўстраліі, падбіраючыся да Адэлаіды, пятага ў памерах горада краіны.

У суботу полымя пачало знішчаць дамы жыхароў раёна Adelaide Hills, дзе размешчана мноства ферм і вінаробных гаспадарак, паведамляе AFP. Аўстралійскія ўлады выказалі боязь, што ў гэты сезон краіна можа сутыкнуцца з наймацнейшымі ляснымі пажарамі за апошнія 30 гадоў, калі метэаўмовы не зменяцца, паведамляе ВВС.

Агонь бушуе на паўночны ўсход ад Адэлаіды, пры гэтым пажарныя не могуць кантраляваць сітуацыю праз наймацнейшыя вятры. "Ва ўсім свеце няма такіх пажарных, якія б змаглі спыніць гэты агонь", - заявіў прадстаўнік пажарнай службы Іен Танер.

Папярэджанне аб эвакуацыі ўлады выпусцілі для жыхароў 19 населеных пунктаў Adelaide Hills, дзе ўсяго пражывае амаль 40 тысяч чалавек. Паводле звестак пажарнай службы, агонь знішчыў пяць дамоў, яшчэ "дзясяткі" знаходзяцца пад пагрозай, паведамляе NEWSru.com.

Восем пажарных атрымалі раненні, якія не якія пагражаюць іхнім жыццям.

Паліцыя штата Паўднёвая Аўстралія абвясціла надзвычайную сітуацыю, папярэдзіўшы жыхароў раёна, што пажары ўяўляюць для іх сур'ёзную пагрозу. Прэм'ер штата Джэй Везэрыл пераконвае жыхароў пакінуць дамы: "Вашае жыццё пад пагрозай... Калі вы вырашыце застацца, то вы павінныя ўсведамляць, што пажар стане нашмат больш страшным і вы можаце змяніць сваё меркаванне. Але ехаць у гэты час можа стаць катастрафічным рашэннем" .

Адзін з эвакуяваных жыхароў, Грэм Цукер, заявіў ААР: "Можа, пашанцуе, а можа і не. Не пазнаеш, пакуль дарогі не адкрыюць... Прыедзеш назад, бачыш свой дом - і скачаш ад шчасця. А калі не бачыш, то не скачаш".

Начальнік пажарнай службы штата падкрэсліў, што бягучае становішча ў ступені цяжару наступстваў можа параўнацца з сумна вядомай "попельнай серадой" - трагедыяй 1983 года, калі ад агню загінулі 70 чалавек і былі знішчаныя тысячы дамоў і пабудоў.

Лясныя пажары не рэдкасць для Аўстраліі, дзе лета надыходзіць у зімовыя месяцы. У лютым 2009 года прыродныя пажары ў штаце Вікторыя забралі жыцці 173 чалавек і знішчылі больш за 2000 дамоў. "Чорная субота" стала найбуйнейшым прыродным катаклізмам у сучаснай гісторыі Аўстраліі.