Жонцы Джорджа Клуні ў Егіпце пагражае арышт
1- 3.01.2015, 16:50
- 18,611
Жонку галівудскага акцёра Джорджа Клуні, юрыста Амаль Аламудзін, могуць арыштаваць улады Егіпта.
Справа ў тым, што нядаўна яна апублікавала даклад аб судовай сістэме гэтай краіны, назваўшы яе недасканалай і недастаткова незалежнай. Больш за тое, Амаль Аламудзін адзначыла, што ў Каіры мінулым летам вынеслі несправядлівы прысуд тром журналістам тэлеканала «Аль-Джазіра». У сувязі з гэтым улады Егіпта паведамілі Амаль, што яна рызыкуе апынуцца пад арыштам, піша «Комсомольская правда в Беларуси» са спасылкай на выданне Daily Mail.
SPLASH NEWS
Нагадаем, Джордж Клуні і Амаль Аламудзін пажаніліся ў Венецыі ў верасні 2014 года. Цырымонія праходзіла ў сярэднявечным палацы Пападопалі. Жаніх і нявеста запрасілі на ўрачыстасць 150 чалавек, сярод якіх было шмат зорак Галівуду і шоу-бізнесу.
Амаль Аламудзін - паспяховы юрыст. Яна была адвакатам былога прэм'ер-міністра Украіны Юліі Цімашэнка, а таксама прадстаўляла інтарэсы заснавальніка сайта WikiLeaks Джуліяна Асанжа.